السلام عليكم وبعد :

تعرضت لحادث انقلاب سياره قبل سنه و10 شهور و إلى الان سويت ثلاث عمليات في الفخذ اخر عمليه قبل 9 شهور وسويت اشعه مقطعيه قبل ثلاثه ايام وتبين ان الالتام جزئي وبحاجه الى عمليه

علما ان اصابات الحادث

1- كسر في اليد اليمني ( الحمدلله شفي تماما )
2- ضربه قويه في الراس ( شفيت تماما والحمد لله )

3-كسر في الحوض الي هو يسموه الترقوه ( تقرير الاشعه المقطعيه يقول نسبه الالتآم 40% علما ان العمليه قبل سنه و10 ( الحمد لله على كل حال )
4- ميلان فى فقرتين في الظهر ( شفيت والحمدلله )

السواق كان خويي والسياره كانت ايجار تأمين شامل
وسبب الحادث كان الكفر وعندي تقرير الحادث

المهم اني تعالجت على حسابي في الرياض وعندي مايثبت وقيمه الفواتير 125 الف وبعدها سافرت اليمن بعد فتره العلاج بالمشفى شهرين وجلست في اليمن 6 شهور ولم يحدث التآم لكسر الفخذ تواصلت مع الدكتور الذي عالجني في الرياض وقال سوي اشعه مقطعيه وسويتها مع الحوض ورسلت له صور وفديو اشعه مقطعيه واتضح ان كسر الفخذ لم يلتآم ولا حتى 1 % وكسر الحوض ملتئم 40 ب% وقال انتظر ثلاثه شهور لكسر الحوض وانشاء الله يحصل التآم ؛ اما بالنسبه لكسر الفخذ قال اروح عند دكتور واخليه يشيل دعامه المسمار السفلى عشان ينزل المسمار وينزل معاه العظم فيحصل الالتآم ؛
سويت الي قال وبعد شهر سويت اشعه وكانت النتيجه نزل العظم زياده بمعنى قصرت ٧ سم ؛
المهم سويت عمليه وسحبت العظم بسبب القصر وسويت زراعه عظم طبعا العمليه تعتبر الثالثه للفخذ ؛ الاولى بعد الحادث مباشره نقلتني الاسعاف مستشفى الايمان العام وقالو لازم دكتور متخصص يسوي حق الحوض ولكن باستطاعتهم يسوو حق الفخذ المهم سوينا حق الفخذ ولما طلعت من المشفى عشان اسوي عمليه الحوض واليد اليمنى عند دكتور سياد الفرايضي بعد الحجز عنده لأنه كان مزحوم واستقرق الحجز حوالي اسبوعين وبعد ان تم نقلي الى مستشفى رعايه الرياض شاف الدكتور سياد عمليه الفخذ قال انها غلط وسوى عمليه اخرى وعندي تقرير من الدكتور يثبت هذا الشي لاني قلت له سوي تقرير عشان استرجع الفلوس التي دفعتها في مستشفى الايمان وقدرها 15 الف ريال المهم سوى لي تقرير واوصل اخوي التقرير لمشفى الايمان ولكن لم ياتي اي رد وقاله دكتور في مشفى الايمان هذه مشفى الدوله وماراح تاخذ شي .
المهم بعد العمليه الثالثه كنت اسوي اشعه كل شهر وكان الالتئام بطئ وبعد العمليه بخمسه شهور تورمت فخذي فاتضح ان عندي انسجه ميته وسويت عمليه ازاله الانسجه الميته
وبعدها بشهرين خرج صديد من فخذي المكسور وكنت اعالجه بالمضادات ولكن لم يحصل اي تقدم في الالتئام سوى اقل من 20% جربت كل دكاتره اليمن ولم يحصل اي تقدم وبعظم اقترحوا عمليه ؛

المهم الان رجعت من اليمن واريد اسوي العلاج هنا بسبب ماحصل لي في اليمن ؛ وتابعت الحاله عند عده دكاتره في الرياض واتفقوا على :
انهن لم يحصل التئام في عظم الفخذ بسبب الالتهابات وخروج صديد ( قيح ) وكلام اخر استشاري رحت له في مشفى الحياه الوطني قال لازم نشيل المسمار والدعامات ونسوي تنظيف لان عندك صديد ومستحيل يحصل التئام طالما موجود الصديد ؛
مستحيل علاج الصديد ( القيح ) بدون ازاله المسمار النخاعي وتركيب تثبيت خارجي بسسب ان البكتريا والصديد تختبى بداخل المسمار مستحيل وصول العلاج اليها

وبالنسبه للحوض مازالت نسبه الالتآم كما هي 40%

مشكله اخرى بسبب الحادث وانشاء الله تشفى
المشكله هي حيوانات منويه صفر مع العلم اني قبل الحادث بثلاث سنوات عندي ولد وبنت يعني مافي اي اشكال
رحت عند استشاري في اليمن قال هذا بسبب الحادث احيانا تكون الصدمه قويه فيسبب انسداد في مدري ايش المهم جاب لي علاج واستخدمته ومانفع رجعت له قال هذه تحتاج تدخل جراحي
وما ادري الان كيف والله اني مهموم وكل ما اتذكر الموضوع والفخذ والحوض يحصل لي اكتأب وانا اشهد اني للبلاوي شديد ياربي لك الحمد والشكر على كل حال

بالنسبه لتامين طالبناه وقتها وحولت المعامله للمحكمه وتابع القضيه اخوي بعد ان اعطيته توكيل وبعد الحادث بسنه وشهرين حكم الشيخ بصك ارش اصابه قيمته 75 الف

هل يعتبر صك ارش الاصابه حكم نهائي وليس لي اي تعويض علما ان عندي فواتير مستشفى في الرياض الي تعالجت فيه 125 الف بالاضافه الى عمليه اخرى في اليمن والان محتاج عمليه للفخذ ومعالجه انعدام الحيوانات المنوية ومشكله ثبوت الحوض عند نسبه التئام 40% من سنه و10 شهور

( سمعت كلام ولست متاكد منه بان مادفع لي ( صك ارش اصابه ) يعتبر تعويض وليس تحمل لتكاليف وبامكاني ارفع دعوى واحصل على كامل التكاليف المالية السابقه بالاضافه الى تحمل شركه التامين التكلفه لعلاج الفخذ والحوض وانعدام الحيوانات المنوية .

ارجوا ان تساعدوني في ما افعل علما اني مسني الضر وبقوه ووقف عملي وخرب عيشتي وزادت ديوني وقل شاني وهيبتي في البيئه التي اعيش فيها والله الموفق والمعين والشافي