وقفوا خدماتي ياجماعه ،، مطلقه ومتوهقه ٢

[لبنى]

السلام عليكم ورحمة الله
انا لي موضوع من اول ( مطلقه ومتوهقه ) وما قصرتوا معايا بس انا حبيت أوضح نقاط اكثر علشان تفهموا علي اكثر وتدوني النصيحه ،،
١- ابو بنتي لما طعن فالصك الاول وكسب الطعن من الاستئناف كانت حجته انه الحكم غيابي وانه التبليغ اللي اعتمدت عليه محكمة الاستئناف وصادقت الحكم الاول تبليغ مزور وغير صحيح .
٢- لما بلغتني المحكمه بنقض الصك وإعادة النظر فالقضية انا ماحضرت اي جلسه بس بابا وماما راحوا وبلغوهم بالحكم وانه فتحوا جلسات وكمان كتبوهم مدري وقعوهم ع ورقه علشان احضر وانا كنت لسا ماتزوجت ولا شي ، يعني العقد زواجي الجديد كان تاريخه بعد الجلسه الاولى ب٤ شهور .
٣-بعدين انا ماحضرت ولا جلسه ولا بابا ولا ماما طنشنا خلاص بعدين جا محضر الخصوم للبيت ووقع بابا ع ورقه علشان حضور جلسه بس كمان احنا ماحضرنا فراحت المحكمه ارسلت للشرطه احضاري بالقوه الجبريه وكمان وقفوا خدماتي .
٤-بعدين سوينا حفلة الزواج
انا اللي أبغى اعرفه ليش الا يبغوني اجي المحكمه
طيب انا ماابغاه اش هوا دا
وليه القاضي هذا متعنت مو زي الاول ليه ماهوا كمان يحكم نفس حكم القاضي الاول اللي استقال وراح
بعدين فالمحكمه بيسوو لي قصه ع زواجي بعد التبليغ والا كله واحد عادي مايضرني بشي

[ابو محمد 2]

وعليكم السلام ورحمة الله وبركاته
= عليكي الحضور لرفع ايقاف الخدمات عنكي وانهاء القضية قد يحكم القاضي بالخلع على عوض من المهر بعضه أو جميعه وقد يؤيد حكم القاضي الاول.
= زواجك صحيح ولا اشكال عليه حيث عقد لكي المأذون بموجب صك الفسخ المؤيد من الاستئناف وبعد اكمال العدة.
نصيحة احضري الجلسة لمصلحتك. يسر الله أمرك.

[لبنى]

اكيد ياابو محمد عقدي صحيح والا حيسوولي قصه لأنهم قاعدين يقولوا انوه انا ارتكبت محرم لاني تزوجت بعد ماخبرتني المحكمه بالطعن وكمان الصك اللي كتب المأذون عليه يعتبر ملغي لانوه مطعون فيه يعني لاغي ماله قيمه وكل حاجه استندت عليه كمان لاغيه

[لبنى]

كمان بابا راح سال كم واحد كدا من المحامين فجعونا قالوا اننا ارتكبنا جريمه وانوه زواجي بعد ماعرفت انه القضيه انعادت وانفتحت من جديد يعتبر زواج من رجلين بوقت واحد وانوه بابا ارتكب جريمه كمان لانه وليي وهو عقدلي بعد ماخبرتوه المحكمه بانه الصك الاول اتلغى والله خوفوا بابا وانا كمان يعني احتمال ابو بنتي يشتكي ع بابا ويسجنوه زي ماقالولوه علشان زوج بنته من رجل وهيا ع ذمة رجل اخر نوروني وربي خفنا