فيه واحد صاحب مكتب بطاقات وقروض تعاملت معه وكان كويس معي
وبعدين صرت اجيب له عملاء واخذ نسبتي واحيانا اجيب له اقارب من طرفي وبعضهم كنت اكفلهم انا

بعد فترة الرجال قال لي فيه كم شخص من الي انت كافلهم تاخروا في السداد
كلمت الي انا كافلهم وقالوا لي ماعمرنا تاخرنا في السداد ابدا وبعضهم كان يتعامل معه بحسن نية وماياخذ سندات قبض حق كم شهر
فوصلت القضية للمحكمة ولازالت قائمة للان

انا قبل سنتين مريت صاحب المكتب وطلبت منه 900 ريال لاخر الشهر لاني كنت مسافر لمكة
واتصلت براعي المكتب وقال روح للموظف وخذ 900 ريال
وفعلا مريت المكتب ولقيت الموظف وقال لي وقع استلامك للمبلغ ووقعت على ورقة فهمت فيما بعد ان اسمها سند لامر
طبعا كتبت اسمي ووقعت ومشيت

بعد شهر سددت المبلغ وانتهى الموضوع


قبل فترة الرجال رفض يحلف في المحكمة العامة على دعواه ضد الناس الي كفلتهم والشيخ رد كل دعاويه
فقام الرجال وراح للتنفيذ وقدم ضدي سند لامر الي كنت موقعه قبل 3 سنوات
وحط بالسند مبلغ 85 الف وحط تاريخ من عنده وعبا بيانات السند كاملة وقدمه للتنفيذ

رحت انا يوم الاحد الماضي للتنفيذ وعلمت الشيخ بالقصة كاملة وكيف انا وقعت على السند لاجل ال 900 ريال الي سددتها بعد فترة
الشيخ سال خصمي انت وقعته على بياض
قال نعم هو وقع واحنا جمعنا المبالغ الي عليه وسجلناها
الشيخ زعل وقال تصرفك باطل كيف توقعه على بياض وهذه تعاقبك عليها وزارة التجارة ولايجوز شرعا انك تسوي كذا لان هالشئ غلط
خصمي رافض ويقول مالي دخل فيه ياشيخ
وقال له الشيخ هذا حكمي والان خصمي بيقدم اعتراض للاستئناف

وش توقعاتكم يصير يااخوان ؟
هل انتظر نتيجة الاستئناف ؟ او اشتكي خصمي ؟ لان مدير مكتب الشيخ يقول روح ارفع عليه دعوى تزوير سند لان خصمك تلاعب في مضمون السند
وش توجيهكم الله يقويكم