انا قبل 3 سنوات اتفقت مع شخص اننا نتشارك في مشروع
هو بالفلوس وانا بالشغل والمجهود وكان اتفقا شفهي بدون اوراق او عقود
دفع الرجال 400 الف واشترينا فيها وايتات ماء شرب صغيرة وحطيناها كلها باسمي
4 وايتات سعر كل واحد 100 الف
الرجال بعد مرور فترة غير كلامه وجاء يطلب فلوسه كاملة
قلت له دامك وقفت مشروعنا بدون سابق انذار خلاص نتقاسم واعطيته 100 الف كاش + سيارتين من الاربع الي اشتريناها
الرجال اخذ الفلوس وقال اترك السيارتين معك وبيعها بسعر كذا وكذا ( سعر مبالغ فيه )
وطلب ضمان له اسند لامر وشيك على بياض
بعد فترة سال عن السيارتين قلت له لازالوا في المعرض انت طالب سعر عالي
وراح اليوم الثاني للتنفيذ قدم ضدي سند لامر وحط المبلغ كامل 400 الف
المهم بعد منازعة طويلة حكم الشيخ ان الي بيننا مضاربة فاسدة لان الخصم اشترط لنفسه حصة من الربح وخرب المشروع ووقف التنفيذ
الخصم اخذ الشيك وراح للمحكمة العامة ورفع دعوى ضدي يطلب فيها 400 الف على انها دين او سلف
انا ماحضرت اول جلسة ولا الثانية وحكم له الشيخ غيابي بعد مااخذ يمينه
اعترضت انا على الحكم للاستئناف وللاسف صادقوا على الحكم
الخصم عندي ضبط لجلسات التنفيذ وهو يقر فيه ان الي بيننا مشاركة ومضاربة
وفي المحكمة العامة حلف بالله يمين انه قرض او سلف
الحين وش الحل ؟
ارفع التماس اعادة نظر واعرض فيه كذب الخصم ويمينه الباطل ؟
ليش الاستئناف ماناقشوا القضية وسمعوا مني وناقشوا المبلغ وعلى طول صادقوا الحكم
وجهوني الله يسلمكم