دعوه معاشره

[ام ميار]

السلام عليكم انا مشتركه جديده بالمنتدى وحابه الافاده
انا صار لي سنه و٢ شهرين جالسه عند اهلي وانتظر من زوجي يرتب لي مكان وانا صابره وساكته انتظر منه الفرج وكل ماجيت وكلمته اقوله خلص مكاني علشان اجي انا وعيالي يقول متى ماسويت لك مابي تفتحين الموضوع لي واخيرا رحت ودفعت له دعوه بالمحكمه اني االب بالنفقه لي ولي لعيالي لان مايصرف علينا ولا يعرفنا بشي وحتى حساب المواطن هو ياخذه ولا يعطيني منه ولا ريال واحد المهم رحت المحكمه وخلونا بمكتب الصلح طبعا هو ماحضر واجلنا الجلسه ثانيه وحضر طبعا الشيخ جلس يسمع مني وقال زوجي هي حارمتني من عيالي لها ٥ شهور قال الشيخ صحيح قلت اي نعم لان قال ماراح اصرف عليكم ومتى ماسويت لكم اجيكم وانا قلت خلاص اذا خلصت مكانا تعال لنا واهو مافكر حتى يسوي لوا شي ولا يجي يتفاهم مع اهلي واحين الشيخ قرر ان يشوف عياله يومين بالاسبوع لمده ٣ ساعات طبعا انا وافقت وقلت عادي هذا ابوهم مو مشكله وقرر الشيخ يدفع لي ولعيالي ١٣٠٠ ريال لكل طفل ٤٠٠ وانا ٥٠٠ وقال ارفعي عليه دعوه معاشره وانا احين اطالب بمكان مستقل لي ولعيالي علشان اعيش معاه بدون تدخلات اهله هو وافض يسكني بمكان مستقل عن اهله انا قلت ابي حتى لو في بيت اهله بس اهم شي يكون مستقل تماما عنهم مابي يدخلون علي ولا ادخل عليهم ومدري وش اسوي والله احس تعبت وتعبت نفسيتي منه ومن تفكيره البسيط

[ام ميار]

اتمنى الرد علي ضروري مع العلم سمحت له يشوفه عياله وصار يتاخر حيل علي مايجيبنم لي الا الساعه ٢ ونص بالليل اوقات ١ ونص الفجر

[هيزع البركاتي]

وسطي من أهلك من ترين فيه رجاحة العقل لحل الخلافات بينكما ، أو ارفعي دعوى معاشرة بالمعروف تطلبين فيها السكن والنفقة والمعاملة الحسنة ، حيث يتم احالتكما الى مكتب الصلح للنظر في تقريب وجهات النظر بينكما وانهاء الخلاف بلا ضرر ولا ضرار .