ساعدوني ياناس تبهذلت بين المحكمة والسجن

[صلاح البريكي]

اخوي عليه قضية شيك بدون رصيد
وهو مسجون من 25 شوال
انا اخوه حظرت الجلسة عن بعد وكان القاضي الله يوفقه متعاون جدا وحكمه شهر مع احتساب الايام الي انسجن فيها
وقال لي اطبع الصك وروح السجن اعطهم علشان يطلعونه يوم 25 ذوالقعدة لانه بيكون خلص شهر
رحت السجن رفض الموظف حق شئون السجناء وقال لازم تختم لي الصك من المحكمة ويرسلونه بالفاكس واطلعه وتعذر انه مايدري هالفاكس رسمي او لا

بعد جهد وعناء اخذت موعد للمحكمة
ووصلت للدائرة الي صدر منها الحكم بس ممنوع تقابل اي قاضي
ولقيت موظف ماله نفس ويقول لي ماعندنا ختوم على الصك ولانرسل للسجن اي شئ
طيب بقابل القاضي قال لا ممنوع
قلت له والرجال الي بيخلص حكمه بعد كم يوم
قال لا المفروض انه مايطلع لان يمكن المدعي يعترض على الحكم
قلت له اصدقك انت او اصدق النظام والقاضي
النظام يقول اي سجين استوفى حكمه يطلع وحتى لو المعاملة ماانتهت وحتى القاضي في الجلسة قال لي بالحرف خذ الصك وروح للسجن قبل ايام من نهاية الحكم علشان مايعطلوا خروج اخوك

الحين وش الحل ؟

[ابو محمد 2]

هل دفعتم قيمة الشيك للمستفيد؟ حيث لابد من أن يفرج عنه القاضي بخطاب أفراج موجه للسجن. الصك لا يكفي للمعلومية.

[صلاح البريكي]

هل دفعتم قيمة الشيك للمستفيد؟ حيث لابد من أن يفرج عنه القاضي بخطاب أفراج موجه للسجن. الصك لا يكفي للمعلومية.

جزاك الله خير اخوي والشيك كان صادر فيه امر قاضي التنفيذ سجن وهذا سبب حبس اخوي
بس في رمضان جاء امر ملكي بخروج سجناء الحقوق واخوي شمله القرار بس السجن رفض يطلعه بحجة الحق العام في شيك بدون رصيد
الحين اخوي خلاص انهى الحق العام والحق الخاص معلق وماعليه اي اوامر فيه
حتى السجن يقول بنطلعه بس لازم تعطونا صك مختوم من القاضي
ومكتب القاضي يقول حنا مانختم صكوك الا بعد مايصير نهائي
واحترنا بينهم

[ابو محمد 2]

بإمكانك التقدم لدائرة مراقبة السجون بفرع النيابة التي أخوك مسجون بمنطقتها تتظلم وتطلب تدخلهم للافراج عنه وسيناقشونك ويطلعون على الصك ولديهم صلاحية الافراج إذا تبين لهم أن بقاء أخيك في السجن مخالف للنظام. فتوجه لهم .
موفق أخي الكريم