وصلتني رسالة غريبة مافهمتها

[راشد العوفي]

مساكم الله بالخير
انا موظف حكومي بمنطقة ينبع
وصلتني رسالة اليوم الصباح غريبة واول مرة اشوفها مكتوب فيها
اخي العزيز نرجو مراجعة ادارة تنفيذ الاحكام العامة وحدة المال خلال 48 ساعة والعنوان ادارة في مكة المكرمة

حاولت اعرف وش الموضوع ماعرفت وماعندي احد في مكة ارسله يتاكد واسوي له وكالة وبكذا مضطر اني اخذ اجازة واروح لهم
بس الي له خبرة وش ممكن يكون الموضوع ؟ لاني ماعندي اي قضايا لاعامة ولاحقوقية ضدي ولله الحمد
والي يعرف هالادارة متعلقة بايش ليت بالله يفيدني

[ابو محمد 2]

مساء الخير والبركة
= معلوماتي أن هذه الادارة مختصة بإبعاد الوافدين الذين صدرت ضدهم احكام جنائية وبناءً على هذه الاحكام تصدر قرارت من الامارة بابعادهم بعد تبصيمهم ولا يحق لهم دخول المملكة الا للحج والعمرة فقط.
= والافضل تراجهعم لتتأكد.
أعانك الله ويسر أمرك

[راشد العوفي]

يسعد هالوجه ياابو محمد بس يااخوك انا ماعندي عمال ولالي شغل فيهم بس كان عندي سواق منحاش من 3 سنوات وبلغت عنه لايكون هو بس
ومافهمت وش هي وحدة الاموال لايكون بيدفعوني غرامة ؟

[ابو محمد 2]

اكيد هو السواق الهارب بيطلبون منك تذكرة سفر ومخالصة لكن خذ معك اثبات تبليغك لهروبه وخله هو يتحمل التذكرة والايام التي عملها عندك خذ ما يثبت تسلمه اجره لمدة عمله قبل هروبه

[رامي سهم]

اكيد هو السواق الهارب بيطلبون منك تذكرة سفر ومخالصة لكن خذ معك اثبات تبليغك لهروبه وخله هو يتحمل التذكرة والايام التي عملها عندك خذ ما يثبت تسلمه اجره لمدة عمله قبل هروبه

خذ نصيحتي
ارسل لهم وكيل يراجع او اتصل تلفون

لا يحطونك على غفله يالسجن حقهم بالبدروم

[راشد العوفي]

خذ نصيحتي
ارسل لهم وكيل يراجع او اتصل تلفون

لا يحطونك على غفله يالسجن حقهم بالبدروم

ليش يحطوني وش انا مسوي فوضى هي ؟

[راشد العوفي]

اكيد هو السواق الهارب بيطلبون منك تذكرة سفر ومخالصة لكن خذ معك اثبات تبليغك لهروبه وخله هو يتحمل التذكرة والايام التي عملها عندك خذ ما يثبت تسلمه اجره لمدة عمله قبل هروبه

بس يابومحمد السواق هارب من 3 سنوات وانا اخليت مسئوليتي عنه ووقت هروبه رواتبه استلمها كاملة ليش يجبروني انا ارحله على حسابي

[konoz]

العمال والسواقين ومشاكل هروبهم هذا من اختصاص الجوازات وادارة الترحيل واللي مرسلين رسالة ( ادارة تنفيذ الاحكام العامة وحدة المال )

[راشد العوفي]

العمال والسواقين ومشاكل هروبهم هذا من اختصاص الجوازات وادارة الترحيل واللي مرسلين رسالة ( ادارة تنفيذ الاحكام العامة وحدة المال )

وش يعني هالادارة مافهمت وش عملهم؟ وقسم المال هذا وش هو يعني فيه احد اشتكاني يطلبني فلوس ؟
انا جلست اتذكر ولقيت اني كفلت واحد من الجماعة قبل 3 شهور في قضية شيك بدون رصيد حكموه حق عام شهر وغرامة 2000 ريال والرجال طلع بعد ماتوقف شهر بس ماسدد 2000 واستغربنا وقتها انهم مادفعوه الشرطة الغرامة وقت ماطلعناه مع اني طلعته من السجن مباشرة لاتكون هي بس
فيه واحد يقول لي يمكن مرسلين لك الرسالة بالغلط لان قد صارت معي قبل سنة جاتني رسالة من وزارة الداخلية مكتوب فيها معاملتك صدرت الى امارة مكة
وانا ماعمري ارسلت معاملات ولاغيره وبحثت بالموضوع قالوا لي غلط في اخر رقم مع جوالك
هالموضوع محيرني لاني رجال مالي اي قضايا او مواضيع او مطالبات مالية ولاعمري دخلت محكمة ولله الحمد

[konoz]

كتبت ( ادارة تنفيذ الاحكام على قوقل وضغطت على خرائط وطلع لي موقعهم في الرياض بحي المنار وأنه (ادارة تنفيذ الأحكام العامة هو مركز حكومي عسكري حيث تقوم السجون ممثلة بسجن الحائر وسجن الملز ببعث الموطنين والمقيمين بعد إنتهاء محكومياتهم وعقوباتهم إلى هذا الإدارة ومن ثم تقوم هذه الإدارة بإكمال المتطلبات نحو اطلاق سراحهم او ترحيل الاجانب ) الامور سهالات , شكله السواق , وفقكم الله .

[سعود التويجري]

انت مكبر الموضوع
طالما امورك طيبة ولاعندك اي قضايا او مطالبات توكل على الله روح لهم بنفسك او ارسل اي شخص من طرفك واعطه وكالة للجهات الامنية
يمكن يطلع الموضوع بسيط زي ماتفضل الاخوة
ايضا شوف في قوقل بتحصل لهم مقر او تلفون واتصل فيهم

[راشد العوفي]

الله يرفع قدركم كلكم على مشاركتكم والتفاعل
اليوم راجعت الجهة وقالوا لي روح لوحدة المال ورحت لهم وطلع السبب اني كفلت شخص في قضية شيك بدون رصيد وحكموه ونفذ السجن لكن عليه غرامة 2000 ريال
طلع هذه هي السالفة وقالوا سددها قلت لهم وانا وش علاقتي قالوا بنوقف خدمات الشخص الي كفلته قلت لهم دقيقة اكلمه وكلمته وحولها وسددتها وانتهى الموضوع

من باب المعرفة هذه ادارة توصلها الاحكام العامة اذا باقي فيها جلد اوغرامة مالية للدولة او منع سفر او ابعاد للوافدين كلها تجي لهالمركز وفيه اقسام كثير

[ابو محمد 2]

الحمد لله على نهاية هذه المشكلة ونتمنى لك التيسير والستر والسلامة من كل شر

[العجمي]

ق عام شهر وغرامة 2000 ريال والرجال طلع بعد ماتوقف شهر بس ماسدد 2000 واستغربنا وقتها انهم مادفعوه الشرطة الغرامة وقت ماطلعناه مع اني طلعته من السجن مباشرة لاتكون هي بس
ممكن هي ادارة تنفيذ الاحكام (العامة) وحدة ( المال ) بمعنى اموال عامة