يوميات رجل متزوج " منقول "

[ابن البدر]

يوميات رجل متزوج

ياعااااااااالم راحت حياتي اوراق صغيره .. جيوبي مليانه .. كل ظهريه وبعد صلاة العشاء ، طيب يازوجتي العزيزه فيه شي اسمه دمج ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي ...



المشكله وشي ... المشكله اني اقرأ طلبات مالها داعي بس مجبور اجيبها ... دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل


طيب هالبقسماط والصولجان وبقية الاسامي الصعبة لمين طبعاً لخواتك اذا جوا يوم الربوع وانا ياغافل لك الله طقني الجوع في الاستراحه مع ابوشايع وابوعبدالله وان سوينا فيها رسقراطيه وارجوازيه وكااااااش ارسلنا حنيف يجيب بروستد وتهاوشنا على الثوم والمدام مع خواتها يتنعمون من خيري ومن تعبي ومطامري في البقاله مع ورقة المقاضي



مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... آآآبو آآآبو أم الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند منفذ حديثه اللي ورا سطنبول الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم )


ياساااااتر مافيه شي ماهوب على السفره ماناقص إلا فواكه القطب المتجمد.. الى درجة اني رحمت الف ليله وليله يوم شفت سفرتنا ههههههههههههههه



المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه!!!!!!!! قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه... ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انا نسيت اسمها بس انها كنافه ماهيب مضبوطه يعني كنافه منافقه وماتقول الحقيقه ضحك قال قصدك كنافه كذابه قلت ايييييييييه هذي بنت ال ايه ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا .

الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها دلوعه استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض,, الله ياخذهم

المشكله ماعندهن رحمه ... درجة الحراره في عز الصيف الف أو في المربعانيه بالماينص وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه اللي توهم متملكين.. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وارد الستين ) << رسالة داخله بالغلط خطيبته ابوها شريطي سيارات ههههههههههههه وانا تعال شف رسايلي ( حليب سريلاك .. ) (ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس



وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون ... تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه



مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت السوق والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى هههههههيههههه

بس تصدقون على كل انتو قريتوه اني وانا مدري القاني ابوس المقاضي وانا انزلها من كثر حبي لعيالي وامهم "

النساء مخلوقــات عجيبــة

إذا مدحتهــا تعتقــد أنـــك كـــــذاب


وإذا لم تمدحهـــا تعتقد بأنك لا تصلــح لشيء

إذا وافقتها على كل ما تريد تعتقد أنك بلا شخصيـــة

وإذا لم توافقهـــا أنت رجـــل لا يفهــم شيئاً

إذا كــنـــت مهتماً بمظهرك وشياكتك فأنت رجـــل لعـــوب

وإذا لم تلبــس جيداً فأنـــت رجـــل تحرق الأعصـــاب

إذا كـنــت رجلاً غيوراً فـــأنت سيء الطبـــاع

وإذا لم تظهــر لها غيرتك فإنهــا تعتقــد أنـــك لا تحبهـــا

إذا تأخرت عليها دقيقــة فإنها تشتكي وتتذمر وتقول : ما أصعب الانتظار !

وإذا كنت تزور أحــد أصدقائــك فإنها تقول : بأنك رجــــل فاضي !

إذا لم تتوقف لهـــا حتى تقطع الشارع فأنت رجـــل عديـــم الأخلاق

أمـــا إذا وقفــت فإنها تعتقــد بأنك واقف حتى تتفـــرج عليهـــا

إذا كنت تراقــب أحد النساء فإنك رجل تغــازل وعيونك زايغـــة !

أمـــا إذا نظر إليها أحـــد الرجـــال فإنه أحـــد المعجبيـــن !

إذا تكلمــــت فإنهـــا تريـــد أن تــســتــمع

وإذا سمعـــت فإنهـــا تريـــد أن تــتـــكلم !

وباختصـــار

بسيطـــــــــــــــات ومعقــــدات

ضعيفات, لكنهن قويات

متناقضات ومنطقيـــــات

ولا تستطيــــع العيش بدونهـــن

[القاضي إياس]

نقل جميل

شكراً لك أخي ابن البدر