![اقتباس](images/misc/quote_icon.png)
المشاركة الأصلية كتبت بواسطة لمى
السلام عليكم ورحمة الله وبركاته اسعد الله اوقاتكم بالخير والرضا(والله وتالله اني في هم ما يعلمه الا الله وحده من هالمشكله وابي اعرف وش عليهاوهي تخص بنت اختي عمرها 19 سنه وكنا بمول من المولات وهي فتاة جامعيه سنه تحضيريه عننا دخولنا للمول استاذنت مني انا خالتها للذهاب لمحل ملابس تشتري واذنت لها ويشهد الله ان البنت عاقله موب حقت خرابيط يعني الواحد يعرف بنته وما ازكيها المهم راحت وتاخرت رحت ازهمها ما ردت ابد وعلى الواتس ارسل ما ترد ابد الكلام ذا امس الخميس المهم قلنا زحمه واكيد تحاسب وكذا قلنا ننتظرها شوي وبتجي ما جت رحاحت ساعه خلاص بدينا نتوتر من الموضوع ما ترد على الاتصالات ابد مره والمشكله الجوال يرن ومحد يردرجنا ندور المول كله شبر شبر طبعا كل ابونا موجودين بالمول خالاتهاوامها وجدتهاواخواتها كل واحد راح بجهه المهم فقدنا الامل سوينا لها نداء عبر الجهاز نفس الشي لا حياة لمن تنادي جلسنا ندور الين قفل المول واحنا ندور الساعه وحده ونص قلنا اكيد احد خطفها هالبنت مليون بالميه جوالها بعد تقريبا ساعتين قفل المهم قلنا نطلع على الشرطه نسوي بلاغ بنفس الحي رحنا ايضا لا حياة لمن تنادي لازم بعد 24 ساعه طلعنا واحنا في حال يرثى له موب عارفين وين نروح المهم الشرطه قالت شوفو الهيئه قلنا استحاله ابد البنت موب كذا قال روحو رحنا تقريبا على الساعه 2 ما في احد نهايئا الدنيا كلها مقفله جلسنا نطق البيبان مثل المهبل والله من الخوف ولا احد رد رجعنا وصرنا نكلم الاستعلام عن ارقام الهييئه من والى توصلنالواحد قال اي موجوده بدار الفتايات روحو هناك وصلنا الدار تقريبا 4 الفجر طلع عسكري واعطيناه الاسم طمنا عليها انها موجوده بس ما عرف ولا شي عنها ابد واساسا مين جابها قلناحتى احنا دخنا الين جين لكم المهم اتصالات منا ومنا قال ابد مافي الا بكره بعد الظهر في تحقيق معهاوبعدين رحنا البيت واحسه كذب حلم موب حقيقه الي صار يعني موقف الله لا يوريكم مدري وش اقول الا الحمد لله على كل حال صرنا نعد الثواني والدقايق الين اذا الظهر ويوم جت الساعه 11 دق جوال امها فلانه الفلاني معاك دار الرعايه للفتايات اختي انهارت تمام يوم سمعت صوت بنتهاانا كلمتها الاخصائيه قلتلها بالله هالمده كلها البت عندكم وما تعطون اهلها خبر ابد شي يطير العقل بصراحهاحنا جالسن نفكر وش صار للبنت وين اختفت المهم تطمنا عليها وقالت بزهمكم الظهر وجا الظهر وجا معه الاخلاء بحمد الله المشكله ان اختي منفصله عن زوجها من 14 سنهوالبنت عندنا عايشه ودارسه وكل شي طبعا هي واخواتهاكلم العسكري الوالد قال لازم الاب ولي الامر بس الحمد لله طلع العسكري ولد حلال الله يوفقه تفهم الامر قال جيبوا معكم كل ورقه تخصها من اثباتات رحنا وجبنا كل شي من جوازات سفر وكرت عايله وبطاقه احوال وفي عند الوالد وكاله بتاريخ1/5/1434 عشان الوالد يطلع جوازات سفر لهم قال حلو جيبوه المهم طلعت البنت بس قال العسكري لازم تروحون هيئة التحقيق هنا السوال
ليه الهيئه ؟وش صار للبنت ومين جابها اساسا؟هل بالامكان تحفظ القظيه بالهيئه بدون الاحاله للمحكمه؟
البنت سالتها قالت والله مسكتني الهيئه بالمول وقالت لي انتي متبرجه تعالي معنا تقول قلتله في اهلي بالمول اكلمهم قال لا واخذ الجوال مني؟؟وبس شكرا لكم جزيل واعتذر على الاطاله بس والله من حر ما اونس
وش بيصير على البنت يا ليت تردون بسرعه قبل الموعد ومررررره شكرا جزاكم الله خير