قضيه خطف

[التعاون]

السلام عليكم ورحمة الله وبركاته
اخواني انا عندي ولدي عمره في العشرين
عنده قل صحه وعندي له تقارير من المستشفى انه معه اختلال بالعقل والاعصاب
وعنده شلل (ضعف شقي في الجانب اليساري)
المهم الولد خذ السيارة وانا نايم وصادفته حرمة كبيرة بالسن
واطلبت منه يوصلها لمكان وركبت معه
إنما وهي بالسيارة قامت تاذيه قام الولد ورد عليها
وقامت بضربه وضربها ونزلها من السيارة
المهم اشتكت عليه بالشرطه وتحولت القضية الى هيئه التحقيق والادعاء العام انه يبي يفعل فيها ويبي يعتدي عليها
المهم حنا سلمنا الولد الشرطه والشرطه اضغطو عليه
وخلوه يقر انه هو يبي يعتدي عليها وللاسف خلوه يعترف يقضيه
ثانيه مشابهه لها قد صارت قبل سنتين بسيارة من نوع السوبر
وحنا بالأساس ماهو عندنا هالموتر
لان المحقق الي حقق معه قاله اعترف بالقضية ونطلعك ابوك عند الباب
بياخذك لاعترفت والولد عليه قل صح وقال إن هو الي سواها
حاولنا نعطيهم التقارير الطبيه الي معي انه يعالج بالنفسيه وان معه
وان معه اعاقه يقولون ماتفيده

والان تحولت القضية للمحكمه الجزائية والمدعي العام يطالب
بالقصاص فماادري وش السوات الحين ؟؟؟

ابي فزعتكم يالربع

[ابو محمد 2]

وعليكم السلام ورحمة الله وبركاته
= ولدك بحاجة إلى محامي وليس لاستشارات فاستعجل بتوكيل محامياً ليدافع عنه.
= وستسهل مسألة الدفاع عنه إن كان له ملف بالنفسية وإن كان لديك صك ولاية أمر مهم .

[التعاون]

بالنسبه للمحامي وكلتله محامي ويطمنا بالخير بس وربي اني خفت

واللي كاتب الله بيصير

وبالنسبه لصك الولاية ماسويتله عند امه صك اعالة له

فماادري وش بيصير تتوقع بيجيه حكم القصاص

[ابو محمد 2]

موضوعك فيه غموض والتوقعات في مثل هذه القضايا لا تصح !

[التعاون]

طيب يالغالي وش اسوي الا من اتجه له هل تفيد ارسال معاريض او لمن اتجه ليعيني في هالقضيه

خصوصا ان الحرمه كبيرة بالسن فوق ال٦٠ سنه وركبت برضاها

وليس خطف والفعل لم يقع بس كاتبين محاوله فعل

فماادري وش العلم

[تائب إن شاء الله]

راجع الخاص ارسلت لك خطوات كاملة وهون من امرك الموضوع اذا مثل ما ذكرت لنا ان شاء الله بسيط وراح يفرج عن ابنك

[البهبهاني]

طلبات المدعي العام مو شرط انها بتتنفذ لانهم غالبا يطلبون امور مبالغ فيها
اتوقع حتى لو ثبت على ولدك التهمه بيجيه سجن بس

[التعاون]

بيض آلله وجيهكم

جاني وسواس وربي لكن طمنتوني وان شاء الله

ربي يفرج عليه وعلى جميع المسلمين

[الخاطر]

قضايا الخطف تختلف شيء يكون داخل العمران وخارج العمران
ودائمآ في مثل هذه القضايا يطلب الإدعاء العام إقامة حد حرابة وأقصى عقوبة

[الخاطر]

لكن دام مافيه فعل فاحشة أو شروع بفعل فاحشة تطمن إن شاء الله مابيقام عليه حد حرابة

[ابو ملفي]

ترى حد الحرابة مو قتل
فيه حد الحرابة قتل وصلب وفيه قتل فقط وفيه قطع يد او رجل وفيه نفي
يعني بعض الناس يسمع حرابة يحسبها قتل وبس
ممكن في حد الحرابة يكون فيه نفي وهو الطرد من الارض الي هو فيه وعلى فكرة ترى كثير من القضاة يعتبر السجن نفي

[التعاون]

السلام عليكم ورحمة الله وبركاته

اخواني القضيه تاجلت في الجلسه السابقه
واخذت لائحه الدعوى وقريتها الولد معترف ب٢٣ سوال تقريبا

وش الحل كيف اطلب تحويله للمصحه النفسيه للكشف على حالته

هل اطلبها من الشيخ الي بيحكم عليه ولا من السجن الي هو فيه؟؟؟

ارجو افادتي

[سمير عبدربه احمد]

السجن ماله علاقة
تقدر تطلب هالشئ من القاضي الي عنده القضية

الامر الاخر هل الولد اقر باشياء فيها ادانة ضده ؟

[التعاون]

اي اقر باشياء ما سواها بعد

[عرفات تركى]

مبدئيا ينكر جملة وتفصيلا
والاعتراف لا ياخذ بها نظاما لانه فى جريمة توجب القصاص والجرائم التى توجب القصاص يجب تصديق الاعتراف عليها
اخيرا اذا المرض مؤثر على عقله يمكن الدفع بانعدام المسئولية الجنائية تاسيسا على حديث النبي -ص- يرفع القلم عن ثلاث

[التعاون]

السلام عليكم ورحمة اللة وبركاته

مابي اطول عليكم
المهم ان القاضي حوله على مستشفى نفسي

وطلع التقرير أن لدية مرض الشخصيه المضاده للمجتمع هذا التقرير من المستشفى الي حوله الشيخ عليه ولكن مكتوب في النهايه انه مسوزل عن تصرفاته في الوقت الحالي

وانا عندي تقرير له من الولاده انه عنده شلل دماغي والولد مريض
المهم الشيخ اجل الجلسه راح تكون هالاسبوع انما المحامي الي ماسك
القضيه يقولي انه الشيخ راح يحكم بين ال٥ الى ٨ سنوات
لكن بيحاول يخفف ل٣ سنوات وأنه شال عنه حكم القصاص

وانا الان ضايع كيف يحكم على شخص نفسي

وما ادري وش كيف اتصرف

وش رايكم بكلام المحامي لأنه خوفني جدا ؟؟

[سواااابق]

السلام عليكم ورحمة اللة وبركاته

مابي اطول عليكم
المهم ان القاضي حوله على مستشفى نفسي

وطلع التقرير أن لدية مرض الشخصيه المضاده للمجتمع هذا التقرير من المستشفى الي حوله الشيخ عليه ولكن مكتوب في النهايه انه مسوزل عن تصرفاته في الوقت الحالي

وانا عندي تقرير له من الولاده انه عنده شلل دماغي والولد مريض
المهم الشيخ اجل الجلسه راح تكون هالاسبوع انما المحامي الي ماسك
القضيه يقولي انه الشيخ راح يحكم بين ال٥ الى ٨ سنوات
لكن بيحاول يخفف ل٣ سنوات وأنه شال عنه حكم القصاص

وانا الان ضايع كيف يحكم على شخص نفسي

وما ادري وش كيف اتصرف

وش رايكم بكلام المحامي لأنه خوفني جدا ؟؟

السلام عليكم

اخوي يكون في علمك مو كل من عنده طبله ( ملف ) في الصحة النفسية يقدر يتخارج من اي قضية
في لجنة اطباء تحدد هل هو مسئول عن جريمتة ام لا
حسب الحالة والملف والدراسة
ابنك لو اخذ اقل من 8 سنوات . اعتبره نجاء ودعائكم هو الي انجاة . لأن المشكلة في قضية ابنك تكرر الجرم وبعترفه وهذا يصعب موقفه .
الله يهون عليك مصابك في ابنك ويصلحه ويهديه

[فهد ابو تميم]

على حسب قول لك .

ارى ان الولد يقع عليه حكم شرعي قليل (عدة اشهر) لكن يشفع له بان المرأة ركبت بطوعها وارادتها وهذا يدل على عدم النية السابقة من الولد في الشروع بفعلته وايضاً قيامه بأنزالها من السيارة دليل عدم اصراره على ما تم اتهامه به (ولو عندك صوره من دعوى النائب العام على ولدك كان بيتضح الموضوع اكثر ). والله يسهل اموركم والسلام .

[التعاون]

السلام عليكم ورحمة الله وبركاته
المحكمه راح تكون بكرة والولد له سنتين وتسع شهور تقريبا بالسجن
العام وودوه الصحه النفسيه بالرياض والتقرير أظنه ماراح يفيده هل يكون حكمه قوي او راح يكتفي في المده في مثل هالقضايا

وشكرا

[التعاون]

السلام عليكم ورحمة الله وبركاته
المحكمه راح تكون بكرة والولد له سنتين وتسع شهور تقريبا بالسجن
العام وودوه الصحه النفسيه بالرياض والتقرير أظنه ماراح يفيده هل يكون حكمه قوي او راح يكتفي في المده في مثل هالقضايا

وشكرا